Escribimos sobre un amigo/a

Como describimos a un amig@/compañeir@?

·        Introdución:  presentamos a persoa que imos describir, onde vive, a idade, desde cando somos compañeiros.

·        Físico e carácter: como é, a estatura, que rasgos destacan nela, se é simpática, alegre...

·        Vestimenta: como acostuma vestir

·        Afeccións: que lle gusta facer (ler, xogar ao fútbol, tocar un instrumento..) e se compartides afeccións.

·        Anécdotas: que momento gracioso ou vivencia tiveches con esa persoa.

·        Final: se cremos que vai continuar a relación nun futuro, que é o que máis nos gusta desa persoa...

Fixen unha descrición dunha amiga miña para que vos sirva de exemplo.

Unha vida xuntas

   María é amiga miña de toda vida xa que levamos vivindo unha fronte a outra desde ben cativas. Actualmente reside na Coruña xa que traballa nunha clínica para coidar a persoas que o necesitan. Algo que fai que a admire aínda máis. De pequenas iamos a todos os lados xuntas e seguimos percorrendo esta vida da man.

   É morena, cunha estatura moi parecida á miña. O que máis destaca do seu físico é o seu cabelo groso rizado e ollos verdes. Temos un humor moi semellante, é tranquila pero sempre saca o seu carácter ante as inxustizas. 

   Gústalle vestir a diario de maneira cómoda, destacando na súa vestimenta a roupa deportiva e de cores máis ben escura.

Compartimos moitas afeccións como a música , a lectura, os disfraces... e tamén as festas!.

   Vivimos moitas anécdotas xuntas. Como cando de pequenas fixemos un grupo de baile con tres integrantes máis e imitabamos ás Spice Girls (unha banda de música doutros tempos) ou cando botabamos a tarde na praia e non nos acordabamos máis de volver ata que chegaba a miña madriña preocupada a buscarnos.

   Nunca nos enfadamos porque sabemos que a nosa amizade está por encima de calquera rifa sen importancia.